རྨུ་ཐག་རྩོམ་རིག་ཚོགས་ཆུང་།

ལྷན་རྒྱས་དྲ་ཚིགས་འདིར་ཕེབས་པར་དགའ་བསུ་ཞུ། དྲ་ཚིགས་འདི་ནི་གུས་པས་ཚོད་ལྟའི་ཐོག་བཟོ་སྒྲིག་བྱེད་བཞིན་ཡོད། གལ་ཏེ་བཟོ་བཀོད་དེ་ཉོ་འདོད་ན། གུས་པར་གློག་འཕྲིན་རྒྱུད་ sonamdawa101@gmail.com ཐོག་ཡིག་འབྲེལ་གནང་ན་འགྲིག། ཇུས་འགོད་ཟིན་པའི་དྲ་ཚིགས་གཞན་ཁག་ལ་གཟིགས་ན། https://goo.gl/3xGq9F ལ་ཕེབས།
About Me
བཀྲིས་བདེ་ལེགས། ང་ནི་གློག་ཀླད་དང་ཁ་པར་སྐོར་གྱི་ཟིན་བྲིས་སྤེལ་མཁན་ཞིག་ཡིན་པ་དང་། རྒྱུན་དུ་ཚོགས་པ་སྒེར་གྱི་དྲ་ཚིགས་ཇུས་འགོད་བྱེད་བཞིན་ཡོད།

Tuesday, June 14, 2016


གུ་གུལ་གྱི་ཡིག་ཆ་བརྒྱག་སའི་ངོས་སུ་སྔོན་ཚུད་ནས་དཔེ་དཔང་(templates)མང་དག་ཞིག་བེད་སྤྱོད་བྱེད་རྒྱུ་ཡོད། འགག་ཞིག་སོ་སོའི་ངོས་ནས་བཟོ་སྒྲིག་དང་འགྲེམས་སྤེལ་བྱེད་རྒྱུ་ཡང་ཡོད། སྤྱིར་ཡིག་ཆའི་སྒྲོམ་གཞི་རིགས་ཁ་ཤས་ཡང་ནས་བསྐྱར་དུ་བཟོ་མི་དགོས་པར། དགོས་མཁོ་ཡོད་པའི་སྒྲོམ་གཞི་རྣམས་དཔེ་དཔང་གི་ངོས་སུ་བཟོ་ཐུབ། བཟོས་ཟིན་པའི་དཔེ་དཔང་དེ་མ་འོངས་ག་དུས་བེད་སྤྱོད་གཏོང་དགོས་བྱུང་ཡང་གཏོང་ཆོག་ཆོག་ཡོད་པ་ཆག་པ་རེད། ཡིག་ཆའི་སྒྲིམ་གཞི་བཟོ་རྒྱུའི་དུས་ཚོད་གཏོང་མི་དགོས་པར་ཐད་ཀར་ནང་དོན་ལ་གལ་གནད་དུ་གཏགས་ཆོག།

གཤམ་འདིར་བརྙན་གྱི་ལམ་ནས་འགྲེལ་བཤད་བྱེད་ཁུལ་ལགས།

Wednesday, February 3, 2016


མིག་སྔར་རང་རྒྱལ་གྱིིས་ཧུར་བརྩོན་ཆེན་པོས་སྙི་བའི་ཚན་རིག་ཞིབ་འཇུག་དར་སྤེལ་བྱེད་བཞིན་ཡོད་པ་རེད། འོ་ན། ག་འདྲ་ཞིག་ལ་སྙི་བའི་ཚན་རིག་ཟེར་བ་དང་། དེར་ཕན་ནུས་ཅི་འདྲ་ཞིག་ཡོད་དམ་ཞེ་ན།

“སྙི་བའི་ཚན་རིག” ནི་ཅི་འདྲ་ཞིག་ལ་ཟེར་མིན་འདི་ད་དུང་ཡང་དག་པའི་མཚན་ཉིད་ངེས་གཏན་ཞིག་བྱུང་མེད། སྙི་བའི་ཚན་རིག་ཅེས་པ་དེ་ནི་མིང་ཚིག་གཡར་མ་ཞིག་ཡིན་པ་དང་དེ་དང་ “སྲ་བའི་ཚན་རིག” གཉིས་བལྟོས་བཅས་ཀྱི་སྒོ་ནས་བརྗོད་པ་ཞིག་རེད། མི་ཚོས་གློག་རྡུལ་རྩིས་རྒྱག་འཕྲུལ་ཆས་ཀྱི་ ”སྙི་ཆས” དང་ ”སྲ་ཆས” ཞེས་པའི་ཐ་སྙད་གཉིས་པོ་གཡར་ཏེ་དེང་རབས་ཀྱི་རིག་གཞུང་ཚན་ཁག་གསར་པར་ “སྲ་བའི་ཚན་རིག” དང་ “སྙི་བའི་ཚན་རིག” ཞེས་བརྗོད་ཀྱི་ཡོད། དཔེར་ན་དངོས་ཁམས་རིག་པ་དང་། རྫས་འགྱུར་རིག་པ་། ཚན་རིག་ལག་རྩལ་གྱི་ལྷུ་ཚིགས་རྣམས་སྒྲིག་འཛུགས་དང་། དོ་དམ། འཆར་བཀོ། བཀོད་སྒྲིག །སྔོན་དཔག་སོགས་བྱེད་པ་དེར་ “སྙི་བའི་ཚན་རིག” ཟེར་བ་ལྟ་བུ་ཡིན་ཞིང་། “སྙི་བའི་ཚན་རིག” ཅེས་པ་དེ་སྤྱི་ཚོགས་དང་། དཔལ་འབྱོར། ཚན་རིག་ལག་རྩལ་བཅས་འཕེལ་རྒྱས་འཚམ་པོར་འགྲོ་རྒྱུར་ཞིབ་འཇུག་བྱེད་པའི་ཕྱོགས་བསྡུས་རང་བཞིན་ལྡན་པའི་ཚན་རིག་ཅིག་རེད། དེའི་ནུས་པ་གཙོ་བོ་ནི་དེང་རབས་སྤྱི་ཚོགས་ཀྱི་རྙོག་འཛིང་ཆེ་བའི་སྲིད་ཇུས་གནད་དོན་གསལ་བཤད་བྱས་ནས། ཐབས་ཇུས་ཚན་རིག་ཅན་དང་དོ་དམ་་དེང་རབས་ཅན་དུ་འགྱུར་བ་བྱེད་རྒྱུར་ཞབས་འདེགས་སུ་ཞུ་རྒྱུ་དེ་རེད།

སྙི་བའི་ཚན་རིག་ནི་དུས་རབས་བཅུ་དགུ་པའི་དུས་སྨད་དུ་དར་བ་ཞིག་ཡིན་ཞིང་ད་ལྟ་རང་བྱུང་ཚན་རིག་དང་སྤྱི་ཚོགས་ཚན་རིག །ཨར་ལས་ལག་རྩལ་སོགས་རིག་པའི་རྣམ་གྲངས་མང་པོ་སྣོལ་བའི་གསར་དར་གྱི་ཚན་རིག་ཞིག་ཏུ་འཕེལ་རྒྱས་སོང་ཡོད། ཕྱོགས་བསྡུས་ཀྱི་རང་བཞིན་ཁྱད་ཆོས་སུ་མཚོན་པའི་ཚན་རིག་དེ་བརྡ་འཕྲིན་ཚན་རིག་དང་། རྒྱུད་རིམ་བཟོ་སྐྲུན། སྤྱི་ཚོགས་བཟོ་སྐྲུན་སོགས་ཀྱི་གཞུང་ལུགས་སམ་བྱེད་ཐབས་ཁག་མང་པོ་བེད་སྤྱོད་བྱས་ནས་སྡེ་ཁག་བརྒལ་ཞིག་རིག་པའི་རྣམ་གྲངས་མང་བའི་ཕྱོགས་བསྡུས་ཀྱི་ཞིབ་འཇུག་བྱེ་པ་ཞིག་རེད། དེའི་ཞིབ་འཇུག་བྱ་ཡུལ་མང་ཆེ་བ་ནི་རྒྱལ་ཁབ་ཀྱི་དཔལ་འབྱོར་དང་སྤྱི་ཚོགས་དང་ཚན་རིག་ལག་རྩལ་འཕེལ་རྒྱས་གཏོང་རྒྱུར་འབྲེལ་བ་དམ་ཟབ་ཡོད་པའི་ཆེ་མཐོང་མ་ལག་ཆེན་པོ་ཞིག་རེད། དུས་མཚུགས་སུ་གློག་རྡུལ་རྩིས་རྒྱག་འཕྲུལ་ཆས་སོགས་སྔོན་ཐོན་ལག་རྩལ་བྱ་ཐབས་བཀོལ་སྤྱོད་བྱས་ནས་ངོ་བོ་གཏན་འཁེལ་གྱི་་དབྱེ་ཞིབ་དང་ཚད་གཞི་གཏན་འཁེལ་གྱི་དབྱེ་ཞིབ་ཟུང་འབྲེལ་བྱས་པ་དང་། དཔེ་མཚོན་གྱི་ཞིབ་འཇུག་དང་འཕེལ་ཕྱོགས་ཀྱི་ཞིབ་འཇུག་ཟུང་འབྲེལ་བྱས་ཏེ་གནས་ཚུལ་འཕེལ་ཕྱོགས་ནས་ཞིབ་འཇུག་བྱ་ཡུལ་ལ་ཕྱོགས་ཡོངས་ནས་རྟོག་ཞིབ་དང་། ཞིབ་དཔྱད། དཔག་རྩིས་བཅས་བྱེད་པར་བརྟེན་ནས་གདམ་ཀ་བྱས་ཆོག་པའི་ཇུས་གཞི་བཏོན་ནས་མི་ཚོས་ཐབས་ཇུས་གཏན་ལ་འབེབས་རྒྱུའི་གཞི་འཛིན་ས་བྱེད་ཆོག་པས། ཐབས་ཇུས་འཛོལ་བའི་རྐྱེན་གྱིས་དཔལ་འབྱོར་དང་སྤྱི་ཚོགས་ཀྱི་གྱོང་གུན་ཚབས་ཆེན་བཟོ་བ་རྣམས་སྔོན་འགོག་བྱེད་ཐུབ། དེར་བརྟེན་ཕྱི་རྒྱལ་དུ་སྙི་བའི་ཚན་རིག་ཞིབ་འཇུག་ལས་ཁངས་ལ་ “བློ་གྲོས་ཚོགས་པ” དང་ “ཚན་རིག་གི་ཇུས་བཀོད” ཟེར་གྱི་ཡོད་པ་རེད།

ཉེ་བའི་ལོ་ཤས་ནང་རང་རྒྱལ་གྱི་སྙི་བའི་ཚན་རིག་ཞིབ་འཇུག་བྱེད་མཁན་ཚོས་འབད་བརྩོན་ཆེན་པོ་བྱས་པས་ “སྙི་བའི་ཚན་རིག” འདི་རྒྱལ་ཁབ་ཀྱི་ཆེ་མཐོང་དཔལ་འབྱོར་དང་སྤྱི་ཚོགས་འཕེལ་རྒྱས་གཏོང་བའི་ཐབས་ཇུས་ནང་ནུས་པ་ཧ་ཅང་ཆེན་པོ་ཐོན་ཡོད་ཅིང་།་རང་རྒྱལ་གྱི་སྙི་བའི་ཚན་རིག་ཞིབ་འཇུག་ལས་ཀ་འདི་ཉམས་མེད་གོང་འཕེལ་འགྲོ་ངེས་ཡིན།

ངག་དབང་ཕུན་ཚོགས་ཀྱིས་བསྒྱུར།

Friday, May 8, 2015

དུས་དེབ་ཨང།   ༡༥  པའི་ལེའུ་དང་པོ།  ཚན་པ་དང་པོ།
དུས་དེབ་ཨང་བཅོ་ལྔ།
རྡུལ་ཕྲན་རྐྱང་པའི་འཇིག་རྟེན་ ཞེས་པའི་བཀའ་སློབ་ལས་བསྒྱུར།
འཕྲོ་ཀློགས།
སྤྱིར་ང་རང་ཚན་རིག་གི་སློབ་སྦྱོང་ལ་གོམས་འདྲིས་གང་ཡང་མེད། ཡིན་ནའང་ངའི་ཤེས་ཡོན་དེ་རྣམས་ཚན་རིག་གི་དུས་དེབ་ཁག་གི་གལ་ཆེའི་ཚན་རིག་གི་གནས་ཚུལ་ཀློག་པ་དང༌། BBC གློག་འཕྲིན་ལས་གསར་འགྱུར་ཉན་པ། ཕྱིས་སུ་གཟའ་སྐར་དཔྱད་ཞིབ་རིག་པའི་སྐོར་གྱི་དེབ་སོགས་བཀླགས་པ་ལས་བྱུང་བ་རེད། ཉེ་བའི་ལོ་ངོ་སུམ་ཅུའི་ནང་ངས་ཚན་རིག་པ་མང་པོ་དང་ལྷན་དུ་ཐུག་འཕྲད་དང་བགྲོ་གླེང་བྱེད་རྒྱུ་བྱུང་བའི་སྐབས་ལ་ངས་རྟག་ཏུ་ཚན་རིག་གི་རྨང་གཞིའི་དཔེ་མཚོན་དང༌། ཚན་རིག་པའི་བསམ་བློ་གཏོང་ཕྱོགས་སྤྱི་དང་བྱེ་བྲག་ཏུ་ཚན་རིག་གི་རྣམ་བཞག་གམ་གསར་གཏོད་ལག་བསྟར་བྱེད་ཚུལ་ལས་དགེ་ཚན་ལེན་ཐབས་བྱས་པ་ཡིན། ཡིན་ནའང་ང་ལ་ཚན་རིག་གི་གོ་བ་ཟབ་མོ་གང་ཡང་མེད། དེ་རྣམས་དངོས་སུ་བེད་སྤྱོད་བྱེད་སྟངས་ཤེས་རྟོགས་བྱེད་རྒྱུ་ཙམ་མིན་གྱི་ད་དུང་དེ་ལས་གལ་ཆེ་བའི་དྲི་བ་ཞིག་ཡོད་པ་དེ་ནི་དེས་མིའི་སྤྱོད་ལམ་དང་རིན་ཐང་ལ་ཤུགས་རྐྱེན་གང་འདྲ་ཐེབས་ཀྱི་ཡོད་མེད་ཤེས་དགོས། ངའི་སློབ་ཚན་ནི་ནང་ཆོས་ཀྱི་སྐོར་ཡིན་ཀྱང༌། སློབ་ཚན་བྱེ་བྲག་པ་གཙོ་བོ་རྡུལ་ཕྲ་རབ་དངོས་ཁམས་རིག་པ་དང༌། འཇིག་རྟེན་ཆགས་རབས་ཀྱི་རིག་པ། སྐྱེ་དངོས་ཚན་རིག་དང་དེའི་ནང་གི་ཀླད་པའི་ཚན་རིག་དང་སེམས་ཁམས་རིག་པ་སོགས་ལ་དམིགས་བསལ་མྱུལ་ཞིབ་བྱེད་མྱོང༌།

ལོ་མང་པོའི་རྗེས་ལ་ང་རྒྱ་གར་ནང་དུ་འབྱོར། དེའི་སྐབས་ ༡༩༤༠ གཡས་གཡོན་དུ་བྲིས་པའི་བོད་ཀྱི་མཁས་པ་རྣམས་ཀྱི་ངོ་སྤྲོད་གཏམ་གླེང་ཡོད་པའི་ཡི་གེ་ཞིག་ལག་ཏུ་རགས་བྱུང༌། ཡི་གེ་འདི་ནི་མཁས་དབང་དགེ་འདུན་ཆོས་འཕེལ་ལགས་ཀྱིས་བྲིས་གནང་བ་ཞིག་རེད་འདུག ཁོང་ནི་རྒྱ་གར་ལེགས་སྦྱར་སྐད་ལ་སྦྱངས་པ་ཆེ་བ་དང་ཁོ་རང་གི་དུས་སྐབས་ཀྱི་ནང་བོད་ལ་ཡོད་པའི་གཟེངས་སུ་ཐོན་པའི་བོད་ཀྱི་མཁས་དབང་ཞིག་རེད། ཁོང་ ༡༩༣༠ ནང་རྒྱ་གར་དང༌། ཨཕ་གན། བལ་ཡུལ། སིང་ག་ལ་སོགས་པའི་ཡུལ་གྲུ་མང་པོའི་ནང་དུ་འགྲུལ་བསྐྱོད་རྒྱ་ཆེར་གནང་ཡོད། ཡི་གེ་དེ་ནི་ཁོང་གིས་མི་ལོ་བཅུ་གཉིས་ཙམ་འགྲུལ་བསྐྱོད་གནང་བའི་མཐར་བྲིས་གནང་བ་ཞིག་རེད་འདུག དེས་ང་ཧང་སང་དགོས་པ་ཞིག་བྱུང༌། དེའི་ནང་དུ་ནང་ཆོས་དང་དེང་དུས་ཚན་རིག་དབར་འབྲས་བུ་སྨིན་ཐུབ་པའི་གྲོས་སྡུར་བྱེད་པའི་རྨང་གཞི་མང་པོ་གསལ་ཁ་དོད་པོར་གསུངས་འདུག དེ་བས་དགེ་འདུན་ཆོས་འཕེལ་ལགས་དང་ངའི་མཐོང་ཚུལ་གཉིས་ཧ་ཅང་གི་མཐུན་པོ་ཡོད་པ་ངས་ཤེས་རྟོགས་བྱུང༌། ཡ་ང་བ་ཞིག་ལ་ཡི་གེ་དེས་བོད་ནང་དུ་ཡིད་མགུ་ཐུབ་པ་ཞིག་མ་བྱུང་བ་རེད། གང་ཡིན་ཞེ་ན་ཕྱོགས་གཅིག་ནས་ང་ ༡༩༥༩ ལོར་བཙན་བྱོལ་དུ་མ་སླེབས་པའི་སྔོན་དུ་བོད་ནང་དུ་ཡི་གེ་དེ་འགྲེམས་སྤེལ་མ་བྱུང་བ་རེད། ཡིན་ནའང་ཡིད་མགུ་བ་ཞིག་ལ་ངས་ཚན་རིག་གི་ཡུལ་གྲུ་དེའི་ནང་ཞུགས་པ་དེ་ང་རང་གི་མི་རབས་ཀྱི་ལམ་ལུགས་སྲོལ་ཞིག་གི་རྗེས་སུ་འབྲངས་པ་ལྟ་བུ་རེད་འདུག ད་དུང་དགེ་འདུན་ཆོས་འཕེལ་ལགས་ནི་ངའི་ཕ་མེས་ཀྱི་ཡུལ་མདོ་སྨད་ནས་ཕེབས་པ་ཞིག་རེད། དེར་བརྟེན་ཡི་གེ་དེ་བྲིས་ནས་དུས་ཡུན་རིང་པོ་སོང་བའི་མཐར་ང་རང་ལ་རག་པ་དེ་ཡིད་ལ་འཐད་པའི་དུས་སྐབས་ཞིག་རེད།

ང་རང་ལ་དངོས་སུ་བྱུང་བའི་བསུན་གཏམ་ཞིག་དྲན་བྱུང༌། དེ་ནི་ལོ་ཤས་སྔོན་ལ་ཨ་རིའི་སྐྱེ་དམན་བོད་པ་དང་གཉེན་སྒྲིགས་བྱས་པ་ཞིག་གིས་ངས་ཚན་རིག་ལ་དོན་གཉེར་དང༌། ཚན་རིག་པ་རྣམས་དང་བགྲོ་གླེང་བྱེད་འདོད་ཡོད་པའི་སྐད་ཆ་ཐོས་སྐབས་མོས་ང་ལ་ཉེན་ཁ་ཆེ་བའི་ཚན་རིག་གིས་ནང་ཆོས་གནས་པ་ལ་བར་གཅོད་བྱེད་ཀྱི་རེད་ཅེས་སྔོན་བརྡ་བཏང་བྱུང༌། མཽས་རྒྱལ་རབས་ཐོག་ནས་ཚན་རིག་ཟེར་བ་དེ་ཆོས་ཚར་གཅོད་མཁན་ཡིན་པ་ཞིག་ལ་ར་སྤྲོད་དཔང་པོ་བྱེད་ཀྱི་ཡོད་པ་དང་༧གོང་ས་མཆོག་ནས་ཆེད་ལས་དེ་བྱེད་མཁན་གྱི་འཐུས་མི་རྣམས་དང་མུ་མཐུད་གྲོགས་འགྲིགས་གནང་བ་དེ་སྤྱང་པོ་མ་རེད་ཅེས་བསླབ་བྱ་བྱས་བྱུང༌། ངས་ཚན་རིག་ལ་དོ་སྣང་བྱེད་རྒྱུའི་ཀུན་སློང་དེ་ཡང་ང་རང་སྒེར་གྱི་དོན་ལས་ཀྱང་ལྷག་པ་ཡིན། ང་བཙན་བྱོལ་དུ་མ་སླེབས་པའི་གོང་ནས་ང་དང་བོད་མི་རྣམས་ལ་སྲིད་དོན་གྱི་དཀའ་ངལ་ཕྲད་པ་དེ་ཡང་དེང་དུས་ཀྱི་བསྒྱུར་བཅོས་ལ་ཁ་གཏད་མ་ཐུབ་པ་དེས་བྱུང་བ་གསལ་པོར་ཤེས་རྟོགས་བྱུང༌། དེར་བརྟེན་ང་བཙན་བྱོལ་དུ་འབྱོར་མ་ཐག་བཙན་བྱོལ་དུ་ཡོང་བའི་ཕྲུ་གུ་ཚོར་སློབ་གྲྭ་གསར་དུ་བཙུགས་པ་དང་དེང་དུས་ཀྱི་བྱེད་སྒོ་ཚན་རིག་གི་སློབ་སྦྱོང་ཐེངས་དང་པོ་སྤྲད་པ་རེད། དེ་རྗེས་གཞི་ནས་ངས་ཡར་ཐོན་དགོས་པའི་སྙིང་པོ་དེ་དེང་དུས་ཀྱི་སློབ་སྦྱོང་ལ་རག་ལས་པ་དང་དེ་ཡང་ཚན་རིག་དང་འཕྲུལ་ཆས་ཀྱིས་དབང་བསྒྱུར་ཡོད་པ་ངོ་སྤྲོད་ཐོབ་བྱུང༌། དེར་བརྟེན་ང་རང་སྒེར་གྱི་ངོས་ནས་ཀྱང་ཚན་རིག་གྱི་སློབ་སྦྱོང་ལ་སྤྲོ་བ་དང་དགོན་སྡེ་ཁག་ལའང་གཙོ་བོའི་དམིགས་ཡུལ་ནི་སྔ་རབས་ཀྱི་ནང་ཆོས་སློབ་སྦྱོང་བྱེད་རྒྱུ་དེ་ཡིན་ཀྱང་དེང་དུས་ཀྱི་ཚན་རིག་སློབ་སྦྱོང་གི་བྱེད་སྒོ་རྣམས་ལ་ཡང་དོན་གཉེར་བྱེད་རྒྱུའི་སྐུལ་མ་ཡང་བཏང་པ་ཡིན། ཚན་རིག་གི་ཁེ་ཕན་ཆེ་ཤོས་ཤིག་ནི་མིའི་ལུས་པོའི་སྡུག་བསྔལ་གྱི་བྱ་བ་མང་པོ་ཞིག་ཡང་དུ་གཏོང་རྒྱུར་མཐུན་སྦྱོར་ཧ་ལས་པ་སྐྲུན་གྱི་ཡོད། ཚིག་གཞན་ཞིག་ཞུས་ན་མིའི་རྩ་བའི་ཆེ་མཐོང་ཡར་རྒྱས་གཏོང་ཐབས་དེ་མིའི་སྤྱི་ཚོགས་ལ་བདེ་བ་འབྱུང་བའི་རྒྱུ་མེད་དུ་མི་རུང་བ་ཞིག་རེད། དེར་བརྟེན་མིའི་བདེ་སྐྱིད་ཀྱི་བྱུང་རིམ་ལ་བལྟས་ན་ཚན་རིག་དང་ཆོས་ཕྱོགས་གཉིས་འབྲེལ་མེད་མིན་པར། ང་ཚོར་དེ་གཉིས་ཀ་ཉེ་བར་མཁོ་བ་ཡིན་ཏེ་ལུས་དང་སེམས་ཀྱི་སྡུག་བསྔལ་གཉིས་ཀ་སྡུག་བསྔལ་ཡིན་པས་དེ་ཞི་བ་ཞིག་དགོས་པས་ཡིན།

དེབ་འདི་ནི་ཆོས་དང་ཚན་རིག་གཉིས་ཟླ་སྒྲིལ་གཏོང་བར་འབད་རྩོལ་བྱས་པ་མིན་པ་དང༌། དེ་བཞིན་དེ་གཉིས་དབར་གྱི་ཁྱད་པར་གང་ཡོད་མེད་སྐོར་ལའང་འགྲེལ་བརྗོད་བྱས་པ་མིན། ངས་དེ་ཚོ་ནི་ཆེད་ལས་མཁན་ཚོའི་ལས་འགན་ཞིག་ལ་བརྩི་འཇོག་བྱེད་ཀྱི་ཡོད། ཆོས་དང་ཚན་རིག་གཉིས་ལ་ཁྱད་པར་ཡོད་ཀྱང་དངོས་པོའི་གནས་ཚོད་དང་བདེན་པ་འཚོལ་བ་ལ་གཉིས་ཀས་དམིགས་ཡུལ་གཅིག་ཏུ་བཟུང་ནས་དཔྱད་ཞིབ་བྱེད་པ་མཚུངས་པ་རེད། དེའི་ཕྱིར་དེ་གཉིས་ཕན་ཚུན་ལེགས་ཆ་ལེན་རེས་དང་མཉམ་དུ་མིའི་ཤེས་ཡོན་རྒྱ་བསྐྱེད་གཏོང་ཐབས་ལ་མཉམ་ཞུགས་བྱེད་ཐུབ། ད་དུང་བསླབ་ཁྲིམས་མི་འདྲའི་ལྟ་གྲུབ་གཉིས་དབར་གྲོས་སྡུར་བྱེད་པའི་ཚེ། ཚན་རིག་དང་ནང་ཆོས་གཉིས་ཀས་འགྲོ་བ་མིའི་རིགས་ལ་ཕན་ཐོགས་དང་ཞབས་འདེབས་གང་ལེགས་ཞུ་ཐུབ་ཀྱི་ཡོད་པར་ངས་རེ་བ་ཆེན་པོ་ཡོད། དེའི་ཐོག་ངའི་ངོས་ནས་ཡུལ་གྲུ་ཁག་ལ་གནས་པའི་ངའི་ཆོས་གྲོགས་རྣམས་པས་ཀྱང་ཚན་རིག་ལ་སྣང་ཆུང་མ་བྱས་པར་དེའི་རྨང་གཞིའི་ལྟ་གྲུབ་ཁག་ལ་ངེས་པར་ཁས་ལེན་བྱ་རྒྱུར་ནན་ཏན་བྱས་ནས་ཞུ་ཡི་ཡོད།

སྨྲས་པ།

ཕྱོགས་གླང་ཆོས་ཀྱི་གྲགས་པ་ལས་བརྒྱུད་པའི།།
སྣ་ཚོགས་རིགས་པའི་སྒྲོན་མེ་ལ་བརྟེན་ནས།།
སྡུག་གིས་གཙེས་པའི་སྙིགས་མའི་འགྲོ་དག་ལ།།
རྟེན་འབྱུང་ཆོས་ཀྱི་ལམ་སྟོན་འདི་ལྟར་མཛད།།

Wednesday, May 6, 2015


རྨུ་ཐག་གློག་རྡུལ་དཔེ་ཚོགས་ཀྱི་དྲ་གནས་ཨ་མ་ནི། http://tb-ebook.weebly.com/

གློག་རྡུལ་དཔེ་ཆ་བཟོ་སྐྲུན་མཐུན་ཚོགས་(TB-Ebook)དེ་ནི་སློབ་ཆེན་སློབ་མ་འགས་སྒྲིག་འཛུགས་བྱས་ཞིང་གཙོ་བོ་བོད་ཡིག་སྲོལ་རྒྱུན་ཤོག་ངོས་པར་གཞིའི་དཔེ་ཆ་རྣམས་རྒྱལ་སྤྱིའི་ཚད་ལྡན་ཨང་སྒྲིག་གི་བོད་ཡིག་དུ་གཏག་ནས་དྲ་རྒྱ་རྒྱུད་རིན་མེད་དུ་ཀུན་དང་མཉམ་སྤྱོད་བྱ་རྒྱུ་དེ་ལགས། ཕྱོགས་མཚུངས། རེ་བར་དང་བླངས་པ་གང་མང་ལས་གྲྭ་འདིར་བཞུགས་པ་རྒྱུད་གློག་ཀླད་ཐོག་བདེ་མྱུར་དུ་བོད་ཡིག་གཏག་ཐུབ་པ་དང་བརྡ་འཕྲིན་ལག་རྩལ་གྱི་རྒྱུན་ཤེས་ཤེས་བྱ་ཅུང་ཟད་ཤེས་ཐུབ་པ་བྱ་རྒྱུའི་རེ་འདུན་དང་བཅས།

རྒྱ་ཆེའི་རང་རིགས་ཀྱི་སྤུན་ཟླ་ལྷན་རྒྱས་དང་བོད་ཞེན་མི་སྣ་འགའི་རོགས་རམ་འོག་བོད་ཡིག་དཔེ་ཆ་གློག་རྡུལ་པར་གཞིར་བཟོ་སྐྲུན་གྱི་ལས་ཀ་དེ་༢༠༡༢ལོའི་སྤྱི་ཟླ་༤ནང་དངོས་སུ་འགོ་གླེང་ཞིང་དུས་ཡུན་ཟླ་བ་ལྔ་ཙམ་གྱི་དཔེ་ཆ་ཟིན་འབྲིས་དང་སྒྲིག་བཟོ། དྲ་ཚིགས་བཟོ་བ་སོགས་ཀྱི་གྲ་སྒྲིག་བྱས་པ་རྒྱུད། ༢༠༡༢ལོའི་སྤྱི་ཟླ་༩ནང་དྲ་བ་དེ་ཉིད་དངོས་སུ་ཤར་གཏོང་ཐུབ་པ་བྱུང་བར་བཀྲ་ཤིས་བདེ་ལེགས་ཞུ།
དཔེ་ཆའི་པར་དབང་གི་སྐོར།

“TB-Ebook”ཞེས་པའི་ཡི་གེ་བཀོད་མེད་པའི་དཔེ་ཆ་ཚང་མའི་པར་དབང་གནད་དོན་ལ་ངེད་དྲ་བས་འགན་གང་ཡང་ཁུར་ཀྱི་མེད་པས་ལྟ་ཀློག་ཚར་རྗེས་ཀློག་པ་པོ་རང་ཉིད་ནས་རང་འགུལ་དུ་སུབ་དགོས།(凡是没有标“TB-Ebook”字符标志的书籍,本网站不负任何关于版权问题的责任,读者请在阅读完后自行删除,不得上传到其他网络平台上,否则后果自负。)
དཔེ་ཆ་བསྡུ་རུབ།

དཔེ་དེབ་ནི་མིའི་རིགས་ཀྱི་ཤེས་དཔལ་གསོག་འཇོག་གི་ཅ་དངོས་ཞིག་ཡིན་ལ། གཞལ་མཐའ་འབྲལ་བའི་གཙུག་ལག་ཀྱི་གཏེར་མཛོད་ཆེན་པོ་ཞིག་ཀྱང་ཡིན་པས། གལ་ཏེ་ཁྱེད་ལ་དཔེ་ཆ་ལེགས་པ་འདྲ་ཡོད་ཚེ་ངེད་ཚོར་གཤམ་གྱི་གློག་རྡུལ་ཡིག་སྒམ་རྒྱུད་བསྐུར་གནང་རྒྱུའི་རེ་བ་ཡོད།

གློག་འཕྲིན་འབྲེལ་བ་བྱེད་ས། penpetashi1992@gmail.com